Se vi iros al JES kaj volus post ĝi ankoraŭ iom pli esperantumi, jen invito al tradicia vintra aranĝo en la Tatry-montaro en Slovakio. Pinto de ĝi ĉiam estas komuna esperantista supreniro sur la monton Poludnica (1549 m), sed dumtage okazas ankaŭ sportaj aktivaĵoj kaj vespere prelegoj pri vojaĝado. Mi mem ankaŭ venos kaj organizos kvizojn tie ;-) Marek <br>
Estimataj amikoj, <br>
ĉu vi emus plilongigi la novjaran esperantumadon post JES? Ĉu vi ŝatas vintrajn sportojn, turismadon, vojaĝojn, aŭ termalan naĝadon? La Liptova Esperanto-klubo kune kun vojaĝantoj kaj turistoj organizas jam la 29-an vintran renkontiĝon de E-vojaĝantoj kaj turistoj sub la nomo *POLUDNICA 2011* en la tagoj *5. - 9. 1. 2011*. Tradicie la renkontiĝo tempe korespondas kun la JUNULARA E-SEMAJNO (eblas do post ĝi veturi slovakien, al la civito Liptovský Ján) kaj do post ĝi eblas veni al "Poludnica" kaj daŭrigi en esperumado en Slovakio. <br>
Ĉi tie troviĝas detala programo, kondiĉoj kaj aliĝilo: http://www.poludnica.esperanto.sk <br>
POLUDNICA 2011 havos pliriĉigitan programon pri novaj sportaj, edukaj kaj konkursaj aktivecoj. <br>
Jano Vajs kaj Peter Baláž <br>
PS: kaze de demandoj skribu al: esperantistoslovaka ĉe gmail.com aŭ petro ĉe ikso.net, aŭ demandu rekte dum JES al Petro (Peter Baláž)